"Betis" futbolchisi Jonni Kardozo yangi mavsum oldidan yarim himoya chizig‘ini kuchaytirishga umid qilayotgan "Atletiko"ning nishoniga aylandi. Bu haqda ESPN xabar bermoqda.
"Atalanta"dan Edersonni o‘z safiga qo‘shib olish uchun avvalroq qilingan urinish italyan klubining yuqori talablari tufayli barbod bo‘ldi. Vermerenning transferi futbolchining ijaraga berilishi bilan yakunlandi. Murabbiy Diyego Simeone jamoa rahbariyatiga Kardosoni o‘z tarkibida ko‘rish istagini birinchi marta bildirayotgani yo‘q va hozir yana bir shunday fursat keldi. Kardozoni sotib olishga "Tottenxem" ham da’vogarlik qilmoqda.
Tayanch zonasida harakat qilayotgan 23 yoshli futbolchi mavsum davomida barcha musobaqalarda 45ta o‘yinda maydonga tushib, 4ta gol urgan va 1ta golga hammualliflik qilgan. Futbolchining tovon puli 80 million yevroni tashkil etadi, biroq u kamaytirilishi mumkin.
