2025 yilda ramzlar bilan bog‘liq qiziq holatlar kuzatilmoqda.
Emblemasida qush tasvirlangan yoki laqabi qushlar bilan bog‘liq bo‘lgan ingliz jamoalarigina kuboklarni yutmoqda.
Kuboklarni “Liverpul” (APL), “Kristal Pelas” (Angliya kubogi), “Nyukasl” (Liga kubogi) va “Tottenxem” (Evropa ligasi) klublari qo‘lga kiritishgan. "Chelsi"ning qushlar bilan aloqasi yo‘q va agar yuqoridagi holat davom etsa, londonliklar Konferensiyalar ligasi finalida "Betis"ga yutqazishi kerak.
Shu bilan birga, Ispaniya jamoasi muvaffaqiyatga erishish imkoniyatlarini yanada oshirishga qaror qildi.
"Betis" hazillashgan holda ijtimoiy tarmoqqa klub logotipi markazida qush o‘rnatilgan yangilangan emblemani joylashtirdi.
