Madridning "Real" klubi asosiy yetakchilaridan biri - Vinisius Junior bilan shartnomani uzaytirdi.

Sport.es nashri ma’lumotiga ko‘ra, braziliyalik futbolchi bilan yangi kelishuv 2030 yilgacha mo‘ljallangan bo‘lib, uning moliyaviy shartlari klubni belgilangan 15 mln yevrolik maosh chegarasidan chiqarib yuborgan. Endi 24 yoshli hujumchi yiliga 20 mln yevrodan ko‘proq maosh oladi, ammo 30 mln yevrodan oshmaydi, bu esa uni Kilian Mbappe bilan birga "qaymoqranglilar"ning eng ko‘p maosh oluvchi futbolchisiga aylantiradi.

Bunday qaror oqibatlarga olib kelishi mumkin: manbaga ko‘ra, "Real" domino effektiga duch kelishi mumkin - klubning boshqa yulduzlari Vinisiusning daromad darajasiga tayanib, o‘z shartnomalarini qayta ko‘rib chiqishni talab qilishi mumkin. Shu munosabat bilan madridliklar rahbariyatida maosh siyosatini o‘zgartirish masalasi muhokama qilinmoqda.

Eslatib o‘tamiz, Vinisiusning avvalgi shartnomasi 2027 yilning yozigacha mo‘ljallangan edi.