"Atletiko Madrid" bosh murabbiyi Diyego Simeone jamoa yarim himoyachisi Rodrigo de Paulning kelajagi haqida fikr bildirdi.
"Uning shartnomasi tugashiga bir yil qoldi. U klubda biz bilan qoladi, shundan so‘ng har ikki tomon uchun eng yaxshi qaror qabul qilinadi. U yetakchilik xislatlari tufayli jamoa uchun muhim futbolchidir", - deydi Simeone.
Mutaxassis joriy mavsum argentinalik uchun "Atletiko"ga kelganidan beri eng yaxshisi ekanini ta’kidladi.
Ushbu mavsumda 31 yoshli de Paul barcha musobaqalarda 49 ta o‘yin o‘tkazib, 3 ta gol urdi va 9 ta golli uzatma muallifiga aylandi.
