"Атлетико Мадрид" бош мураббийи Диего Симеоне жамоа ярим ҳимоячиси Родриго де Паулнинг келажаги ҳақида фикр билдирди.

"Унинг шартномаси тугашига бир йил қолди. У клубда биз билан қолади, шундан сўнг ҳар икки томон учун энг яхши қарор қабул қилинади. У етакчилик хислатлари туфайли жамоа учун муҳим футболчидир", - дейди Симеоне.

Мутахассис жорий мавсум аргентиналик учун "Атлетико"га келганидан бери энг яхшиси эканини таъкидлади.

Ушбу мавсумда 31 ёшли де Пауль барча мусобақаларда 49 та ўйин ўтказиб, 3 та гол урди ва 9 та голли узатма муаллифига айланди.