"Manchester Yunayted" bosh murabbiyi Ruben Amorim klubdagi faoliyati haqida gapirdi.
Portugaliyalik noyabr oyida Erik ten Xag o‘rniga "qizil iblislar"ni qabul qilib olgan va shundan buyon jamoaning natijalari faqat yomonlashgan. Yaqinda "MYU" Yevropa Ligasi finalida "Tottenxem"ga mag‘lub bo‘ldi (0:1) va keyingi mavsumda yevrokuboklarda o‘ynash imkoniyatidan mahrum bo‘ldi.
"O‘ylaymanki, bu faoliyatimdagi eng og‘ir davr ekanligi hammaga ayon, hatto futbolchi sifatida ham bunday yomon natijalar bo‘lmagan. Haqiqatan ham og‘ir. Bunday natijalarni, muxlislarning hafsalasini pir qilishni qabul qilish qiyin, lekin bu bizni kuchliroq qiladi. Bilaman, hozir bunga ishonish qiyin, ammo keyingi mavsumda bu o‘zgarishlarning barchasi klubni yaxshiroq qiladi. Hammasi yaxshi tomonga o‘zgaradi," - dedi Amorim.
