"Манчестер Юнайтед" бош мураббийи Рубен Аморим клубдаги фаолияти ҳақида гапирди.
Португалиялик ноябрь ойида Эрик тен Хаг ўрнига "қизил иблислар"ни қабул қилиб олган ва шундан буён жамоанинг натижалари фақат ёмонлашган. Яқинда "МЮ" Европа Лигаси финалида "Тоттенхэм"га мағлуб бўлди (0:1) ва кейинги мавсумда еврокубокларда ўйнаш имкониятидан маҳрум бўлди.
"Ўйлайманки, бу фаолиятимдаги энг оғир давр эканлиги ҳаммага аён, ҳатто футболчи сифатида ҳам бундай ёмон натижалар бўлмаган. Ҳақиқатан ҳам оғир. Бундай натижаларни, мухлисларнинг ҳафсаласини пир қилишни қабул қилиш қийин, лекин бу бизни кучлироқ қилади. Биламан, ҳозир бунга ишониш қийин, аммо кейинги мавсумда бу ўзгаришларнинг барчаси клубни яхшироқ қилади. Ҳаммаси яхши томонга ўзгаради," - деди Аморим.
