"Chelsi" xavbeki Moyses Kaysedo klub afsonasi Frenk Lempardning o‘ziga xos yutug‘ini takrorladi.
Ekvadorlik futbolchi Premyer-liganing yakunlangan mavsumida "ko‘klar"ning barcha 38 ta o‘yinida ishtirok etdi. Jamoaning bunga erishgan so‘nggi yarim himoyachisi 2004/05 yilgi mavsumda Lempard edi. Shunisi e’tiborga loyiqki, Kaysedo barcha 38 holatda ham asosiy tarkibda maydonga tushdi.
"Chelsi"ning mavsum davomida chempionat o‘yinlarini o‘tkazib yubormagan avvalgi futbolchisi himoyachi Sesar Aspilikueta (2018/19) edi.
Enso Mareski jamoasi 69 ochko bilan APLda to‘rtinchi o‘rinni egalladi. So‘nggi turda londonliklar safarda "Nottingem Forest"ni mag‘lub etdi (1:0).













