"Челси" хавбеки Мойсес Кайседо клуб афсонаси Фрэнк Лэмпарднинг ўзига хос ютуғини такрорлади.
Эквадорлик футболчи Премьер-лиганинг якунланган мавсумида "кўклар"нинг барча 38 та ўйинида иштирок этди. Жамоанинг бунга эришган сўнгги ярим ҳимоячиси 2004/05 йилги мавсумда Лэмпард эди. Шуниси эътиборга лойиқки, Кайседо барча 38 ҳолатда ҳам асосий таркибда майдонга тушди.
"Челси"нинг мавсум давомида чемпионат ўйинларини ўтказиб юбормаган аввалги футболчиси ҳимоячи Сесар Аспиликуэта (2018/19) эди.
Энсо Марески жамоаси 69 очко билан АПЛда тўртинчи ўринни эгаллади. Сўнгги турда лондонликлар сафарда "Ноттингем Форест"ни мағлуб этди (1:0).
