"Manchester Siti" himoyachi Rayan Ait-Nuriga qiziqish bildirmoqda.
Insayder Fabrisio Romanoning ma’lum qilishicha, "shaharliklar" "Vulverxempton"dan futbolchining transfer shartlarini so‘ragan.
Futbolchi klubning chap qanot himoyachisi bo‘lishga da’vogarlar ro‘yxatida yuqori o‘rinni egallab turibdi. U bilan aloqalar davom etishi kutilmoqda.
Ait-Nurining "bo‘rilar" bilan amaldagi shartnomasi 2026 yilning 30 iyuniga qadar imzolangan.
Rayan bu mavsumda APLda 37 ta o‘yinda maydonga tushib, 4 ta gol urdi va 7 ta golga hammualliflik qildi.
