Faoliyati davomida 1000 dan ortiq o‘yin o‘tkazgan Braziliyaning "Fluminense" klubining 44 yoshli darvozaboni Fabio 2026 yilning oxirigacha klubda qoladi.
Bu haqda jamoa rasmiy sayti xabar bermoqda.
Fabio butun faoliyatini o‘z vatanida o‘tkazdi va "Vasko da Gama", "Kruzeyro", "Fluminense" va boshqa ba’zi klublar sharafini himoya qildi.
U 1997 yilda Braziliya terma jamoasi bilan o‘smirlar o‘rtasida jahon chempioni bo‘ldi, keyin Braziliya yoshlar terma jamoasida o‘ynadi va 2004 yilda asosiy jamoa bilan Amerika Kubogida g‘olib chiqdi, biroq hech qachon asosiy tarkibda maydonga tushmadi.
