Ispaniyaning "Betis" klubi sardori Isko Konferensiyalar ligasining bo‘lajak finali haqida fikr bildirdi.
Musobaqaning hal qiluvchi o‘yinida "Betis" 28 may kuni Angliyaning "Chelsi" klubiga qarshi maydonga tushadi.
"Muxlislar bizni hamma joyda qo‘llab-quvvatlashadi. Sevilyadan qanchalik uzoqda bo‘lishimizdan qat’iy nazar ular bizga ergashadi. Har bir safar uchrashuvida, har safarda ularning qo‘llab-quvvatlashini his qilamiz. O‘yin o‘zgacha. Bu final, bu klub uchun juda muhim. Umid qilamanki, muxlislarimizni xursand qila olamiz", - dedi ispaniyalik futbolchi UYEFA rasmiy saytiga.
