"Liverpul" va "Bayer" o‘rtasidagi yarim himoyachi Florian Virsning transferi bo‘yicha muzokaralar hali ham davom etmoqda. Bu haqda insayder Fabrisio Romano xabar berdi.

Shu bilan birga, manbaning ta’kidlashicha, kelishuv amalga oshishga juda yaqin qoldi. Ta’kidlanishicha, o‘tgan hafta Virs "Bayer"ga "Liverpul" bilan shartnoma imzolash bo‘yicha aniq rejasi haqida aytgan.

Joriy mavsumda 22 yoshli Virs barcha turnirlarda 45 ta uchrashuvda maydonga tushib, 16 ta gol urdi va 15 ta golli uzatmani amalga oshirdi.