Simone Indzagining "Inter"ni tark etishi YECHL finali oldidan eng ko‘p muhokama qilinayotgan mavzulardan biri bo‘lib turibdi.
Italiyalik mutaxassisga Saudiya Arabistonining "Al-Hilol" klubi da’vogarlik qilmoqda va u klublar o‘rtasidagi jahon chempionati boshlanishidan oldin tayinlovni yakunlamoqchi. Shu tariqa, "PSJ"ga qarshi final o‘yini murabbiy uchun "neradzurrilar" boshqaruvidagi so‘nggisi bo‘lishi mumkin.
"Inter"dagi siklim yakunlandimi? Hozir faqat bir narsani ayta olaman: ertaga Chempionlar Ligasi finali. Dushanba kuni klub bilan uchrashib, barchasini xotirjam muhokama qilamiz. Ha, final mening kelajagimga ta’sir qilishi mumkin, lekin avvaliga biz o‘yin o‘tkazishimiz kerak, barcha fikrlarimiz faqat u haqida. Men "Inter"da baxtliman - bu yerda menga kerak bo‘lgan hamma narsa bor," - dedi Indzagi Sky Sport bilan suhbatda.
