Симоне Индзагининг "Интер"ни тарк этиши ЕЧЛ финали олдидан энг кўп муҳокама қилинаётган мавзулардан бири бўлиб турибди.

Италиялик мутахассисга Саудия Арабистонининг "Ал-Ҳилол" клуби даъвогарлик қилмоқда ва у клублар ўртасидаги жаҳон чемпионати бошланишидан олдин тайинловни якунламоқчи. Шу тариқа, "ПСЖ"га қарши финал ўйини мураббий учун "нерадзуррилар" бошқарувидаги сўнггиси бўлиши мумкин.

"Интер"даги циклим якунландими? Ҳозир фақат бир нарсани айта оламан: эртага Чемпионлар Лигаси финали. Душанба куни клуб билан учрашиб, барчасини хотиржам муҳокама қиламиз. Ҳа, финал менинг келажагимга таъсир қилиши мумкин, лекин аввалига биз ўйин ўтказишимиз керак, барча фикрларимиз фақат у ҳақида. Мен "Интер"да бахтлиман - бу ерда менга керак бўлган ҳамма нарса бор," - деди Индзаги Sky Sport билан суҳбатда.