"Barselona" Mark-Andre ter Shtegenni yangi darvozabon bilan almashtirishni rejalashtirmoqda. Gap "Espanyol"dagi Joan Garsiya haqida ketmoqda.
24 yoshli futbolchi "ko‘k-anorranglilar" tomonidan ustuvor transfer maqsadi sifatida belgilangan, deb xabar bermoqda jurnalist Herman Bona. Agar muzokaralar muvaffaqiyatli yakunlansa, ispaniyalik "Barselona"ning yangi "birinchi raqamli futbolchisi"ga aylanadi, ter Shtegen esa sotuvga qo‘yiladi.
Joan Garsiya La Liganing o‘tgan turida 38 ta o‘yinda 51 ta gol o‘tkazib yubordi. "Espanyol" yulduziga Angliyaning "Nyukasl" klubi ham qiziqish bildirayotgan edi. Transfermarkt portali bahosiga ko‘ra, darvozabonning narxi 20 mln yevroni tashkil etadi.













