"Барселона" Марк-Андре тер Штегенни янги дарвозабон билан алмаштиришни режалаштирмоқда. Гап "Эспаньол"даги Жоан Гарсия ҳақида кетмоқда.
24 ёшли футболчи "кўк-анорранглилар" томонидан устувор трансфер мақсади сифатида белгиланган, деб хабар бермоқда журналист Ҳерман Бона. Агар музокаралар муваффақиятли якунланса, испаниялик "Барселона"нинг янги "биринчи рақамли футболчиси"га айланади, тер Штеген эса сотувга қўйилади.
Жоан Гарсия Ла Лиганинг ўтган турида 38 та ўйинда 51 та гол ўтказиб юборди. "Эспаньол" юлдузига Англиянинг "Ньюкасл" клуби ҳам қизиқиш билдираётган эди. Transfermarkt портали баҳосига кўра, дарвозабоннинг нархи 20 млн еврони ташкил этади.













