Mashhur insayder Fabrisio Romano "Inter" bosh murabbiyi Simone Indzagining "Al-Hilol" bilan kelishuvi haqidagi ma’lumotni tasdiqlamadi.
Chempionlar Ligasi finali arafasida turli manbalar italiyalik murabbiy Saudiya Arabistoni klubiga allaqachon rozilik bildirgani haqida xabar tarqatdi. Romanoning ta’kidlashicha, bu mish-mishlar haqiqatdan yiroq. "Al-Hilol" "neradzurrilar" ustozini o‘z tomoniga og‘dirmoqchi, ammo u, tabiiyki, finalga bir kun qolganda hech kim bilan kelishib olmagan. Vaziyat noaniqligicha qolmoqda.













