"Barselona" hujumchi Markus Reshfordni o‘z safiga qo‘shib olmoqchi. Kataloniya klubi sport direktori Dekuning inglizlar vakillari bilan uchrashuvi ijobiy ruhda o‘tdi. Ammo muammo bor - "ko‘k-anorranglilar" "Manchester Yunayted"ni futbolchini ijaraga qo‘yib yuborishga ko‘ndirishi kerak.

Ispaniyaning Sport nashri xabariga ko‘ra, "Barselona" Reshfordni ijaraga olishni rejalashtirmoqda. "Manchester Yunayted" esa hozircha futbolchining to‘laqonli transferidan boshqa sxemani muhokama qilishdan bosh tortmoqda. Ammo "ko‘k-anorranglilar" qariyb 40 million yevroni sarflashga tayyor emas.

Qo‘shimcha variant sifatida 27 yoshli Reshfordni 5-10 million yevroga pullik ijaraga olish va keyinchalik sotib olish imkoniyati bo‘lishi mumkin.