"Барселона" ҳужумчи Маркус Рэшфордни ўз сафига қўшиб олмоқчи. Каталония клуби спорт директори Декунинг инглизлар вакиллари билан учрашуви ижобий руҳда ўтди. Аммо муаммо бор - "кўк-анорранглилар" "Манчестер Юнайтед"ни футболчини ижарага қўйиб юборишга кўндириши керак.
Испаниянинг Sport нашри хабарига кўра, "Барселона" Рэшфордни ижарага олишни режалаштирмоқда. "Манчестер Юнайтед" эса ҳозирча футболчининг тўлақонли трансферидан бошқа схемани муҳокама қилишдан бош тортмоқда. Аммо "кўк-анорранглилар" қарийб 40 миллион еврони сарфлашга тайёр эмас.
Қўшимча вариант сифатида 27 ёшли Рэшфордни 5-10 миллион еврога пуллик ижарага олиш ва кейинчалик сотиб олиш имконияти бўлиши мумкин.
