"PSJ" darvozaboni Janluiji Donnarumma klubdagi kelajagi haqida ishonch bilan gapirmadi.
Italiyalik futbolchi parijliklarga tarixda ilk bor Chempionlar ligasida g‘olib chiqishga yordam berdi: finalda Luis Enrike shogirdlari “Inter”ni 5:0 hisobida mag‘lub etishdi.
Uchrashuvdan so‘ng jurnalistlar Donnarummadan kelajak rejalari o‘zgarganmi, deb so‘rashdi. "PSJ" bilan amaldagi shartnoma kelasi yili yakuniga yetadi.
Shartnomani uzaytirish? Bilmadim, ko‘ramiz. Oldinda ikkita muhim jahon chempionati saralashi o‘yini bor va finaldan keyin bor e’tiborimni shunga qarataman", - dedi darvozabon.













