SSKAning umidli futbolchisi Abbosbek Fayzullayev jurnalistlar bilan suhbatda mavsumga va o‘z o‘yiniga baho berdi.

"Bu mening Rossiyadagi birinchi sovrinim bo‘lgani uchun ham ahamiyati juda katta. G‘alaba yo‘lida ko‘p narsani yengib o‘tdik, juda og‘ir o‘yinlar bo‘ldi, ayniqsa, “Zenit”ga qarshi bahs. O‘sha bellashuvda biz penaltilar seriyasida zafar quchdik. Biz bu kubokka munosibmiz, deb o‘ylayman.

Bu mavsumni shaxsan o‘zim uchun o‘tgan yilgiga solishtirganda yomon baholayman. Bultur samardorlik bo‘yicha beshta gol va 14 ta assist qayd etgandim. Bu gal bu ko‘rsatkich 3+8 ko‘rinishida bo‘ldi.

Mavsumning ikkinchi qismida maydondagi pozisiyam o‘zgardi va pasayish birinchi navbatda shu bilan bog‘liq. O‘zgarish o‘z ta’sirini ko‘rsatdi. Mavsum juda yaxshi boshlangandi, keyin o‘rnim o‘zgardi.

Natijada statistik ko‘rsatkichlar avvalgidek bo‘lmadi, lekin men yangi pozisiyaga ko‘nikib olishga harakat qildim", - dedi Abbosbek Fayzullayev.