Jeydon Sancho "Chelsi" bilan xayrlashdi.

Avvalroq London klubi 25 yoshli vingerni "Manchester Yunayted"dan sotib olmasligi, chunki ular futbolchi bilan shaxsiy shartnoma shartlari bo‘yicha kelisha olmagani haqida xabar berilgandi. "Chelsi" "Manchester Yunayted"ga 25 million funt sterlinggacha bo‘lgan majburiy sotib olish bandini bajarmagani uchun 5 million funt to‘laydi.

"Bu tajriba uchun minnatdorman. "Chelsi"da meni o‘z uyimdagidek qabul qilgan barchani yaxshi ko‘raman - jamoadoshlarim, xodimlarim va muxlislar.

Kelajakda klubga omad tilayman. Chin dildan minnatdorman. Rahmat, "ko‘klar", - deb yozdi angliyalik futbolchi.

O‘tgan mavsumda Sancho "Chelsi" safida Premyer-ligada 31 ta o‘yin o‘tkazib, 3 ta gol va 4 ta golli uzatmaga mualliflik qilgan, shuningdek, "ko‘klar" bilan Konferensiyalar ligasida g‘olib chiqqan.