Жейдон Санчо "Челси" билан хайрлашди.

Аввалроқ Лондон клуби 25 ёшли вингерни "Манчестер Юнайтед"дан сотиб олмаслиги, чунки улар футболчи билан шахсий шартнома шартлари бўйича келиша олмагани ҳақида хабар берилганди. "Челси" "Манчестер Юнайтед"га 25 миллион фунт стерлинггача бўлган мажбурий сотиб олиш бандини бажармагани учун 5 миллион фунт тўлайди.

"Бу тажриба учун миннатдорман. "Челси"да мени ўз уйимдагидек қабул қилган барчани яхши кўраман - жамоадошларим, ходимларим ва мухлислар.

Келажакда клубга омад тилайман. Чин дилдан миннатдорман. Раҳмат, "кўклар", - деб ёзди англиялик футболчи.

Ўтган мавсумда Санчо "Челси" сафида Премьер-лигада 31 та ўйин ўтказиб, 3 та гол ва 4 та голли узатмага муаллифлик қилган, шунингдек, "кўклар" билан Конференциялар лигасида ғолиб чиққан.