Londonning “Chelsi” klubi “Milan” bilan darvozabon Mayk Menyan borasida muzokaralar olib bormoqda.

“Rossonerilar”ning yangi bosh murabbiyi Massimiliano Allegri fransiyalik futbolchini jamoada olib qolish niyatida. Uning ta’kidlashicha, klub futbolchini “Chelsi”ga sotmaydi.

“Milan” darvozabonni 30 million yevroga baholagani, “ko‘klar” esa 15-20 million taklif qilishga tayyor ekani avvalroq xabar qilingandi.

Menyan o‘tgan mavsumda barcha musobaqalarda 53 ta o‘yinda 59 ta gol o‘tkazib yuborgan va 15 ta o‘yinda darvoza daxlsizligini saqlagan.