Лондоннинг “Челси” клуби “Милан” билан дарвозабон Майк Меньян борасида музокаралар олиб бормоқда.

“Россонерилар”нинг янги бош мураббийи Массимилиано Аллегри франциялик футболчини жамоада олиб қолиш ниятида. Унинг таъкидлашича, клуб футболчини “Челси”га сотмайди.

“Милан” дарвозабонни 30 миллион еврога баҳолагани, “кўклар” эса 15-20 миллион таклиф қилишга тайёр экани аввалроқ хабар қилинганди.

Меньян ўтган мавсумда барча мусобақаларда 53 та ўйинда 59 та гол ўтказиб юборган ва 15 та ўйинда дарвоза дахлсизлигини сақлаган.