Portugaliya terma jamoasi hujumchisi Krishtianu Ronaldu milliy terma jamoalar safida urilgan gollar soni bo‘yicha yangi jahon rekordini o‘rnatdi.

Futbolchi UYEFA Millatlar Ligasi yarim finalida Germaniya terma jamoasiga qarshi o‘yinda (2:1) Portugaliya safidagi 137-golini kiritdi.

Mazkur ko‘rsatkich bo‘yicha ikkinchi o‘rinda Argentina terma jamoasi yetakchisi Lionel Messi bormoqda. U terma jamoadagi faoliyati davomida 112 ta gol urgan.

Avvalroq, 40 yoshli Ronaldu faoliyati davomida 937 ta gol urganini ma’lum qilingan edi. Shundan 800 tasi klub darajasida, yana 137 tasi esa Portugaliya terma jamoasi safida kiritilgan.

Millatlar Ligasi finalida Portugaliya terma jamoasi Ispaniya va Fransiya uchrashuvi g‘olibi bilan to‘qnash keladi.

Ma’lumot uchun, Ronaldu o‘tgan mavsum “An-Nassr”ning barcha musobaqalar doirasidagi 41 ta o‘yinida maydonga tushib, o‘z hisobiga 35 ta gol va 4 ta golli uzatma yozdirib qo‘ygan. Futbolchining amaldagi shartnomasi 2025 yil yozigacha mo‘ljallangan. Transfermarkt portali uning qiymatini 12 million yevroga baholagan.