Hujumchi Viktor Osimxen yaqin kelajakda “Al-Hilol” futbolchisiga aylanishi mumkin. Jurnalist Rudi Galettining ijtimoiy tarmoqlarda xabar berishicha, Osimxen har tomonlama o‘rganib chiqqach, "Al-Hilol"ning mavsumiga 40 million yevro maosh bilan so‘nggi taklifiga rozi bo‘ldi.
Qayd etilishicha, shu kungacha “Al-Hilol” va “Napoli” o‘rtasida kelishuv yo‘q, biroq Saudiya Arabistoni vakillari bu yo‘nalishda faol ishlamoqda.
Xabaringiz bor, 2024/2025 yilgi mavsumda Osimxen “Galatasaroy” safida ijara asosida o‘ynagan. Nigeriyalik futbolchi turk klubi safida 41 ta o‘yinda maydonga tushib, 37 ta gol urdi va jamoadoshlari safida 8 ta golli uzatmani amalga oshirdi.
