Portugaliya terma jamoasi a’zolari Nunu Mendesh, Vitinya, Joau Nevesh va Gonsalu Ramush Millatlar Ligasi finalida Ispaniya terma jamoasini mag‘lub etishdi (2:2, 5:4 - penalti).
To‘rt futbolchi uchun bu mavsumdagi beshinchi titul bo‘ldi: bungacha ular "PSJ" tarkibida Fransiya chempioni, mamlakat kubogi va superkubogi sohibi, shuningdek, Chempionlar ligasi g‘olibi bo‘lishgandi.
Ispaniya terma jamoasi safida ham "PSJ" futbolchisi - yarim himoyachi Fabian Ruis to‘p tepadi.
Portugaliya tarixda ikkinchi marta Millatlar ligasi g‘olibiga aylandi. U birinchi marta 2019 yilda finalda g‘olib chiqqan. Ispanlar turnir finalida ikkinchi marta mag‘lub bo‘lishdi - avvalroq bu 2021 yilda Fransiyaga qarshi o‘yinda sodir bo‘lgandi.
