Portugaliya terma jamoasi hujumchisi Krishtianu Ronaldu qaysi klub bilan shartnoma imzolashini ma’lum qildi. Eslatib o‘tamiz, futbolchining "An-Nasr" bilan shartnomasi iyul oyida o‘z nihoyasiga yetadi.
"Mening kelajagim? To‘g‘risini aytsam, hech narsa o‘zgarmaydi. "An-Nasr"da qolamanmi? Ha," - deya portugaliyalikning so‘zlarini keltiradi jurnalist Fabrisio Romano.
40 yoshli Ronaldu kecha Ispaniyaga qarshi final o‘yinida gol urib, Portugaliya terma jamoasiga Millatlar ligasida g‘olib chiqishga yordam berdi. Hujumchi jarohati tufayli o‘yinni oxirigacha davom ettira olmadi.
