Португалия терма жамоаси ҳужумчиси Криштиану Роналду қайси клуб билан шартнома имзолашини маълум қилди. Эслатиб ўтамиз, футболчининг "Ан-Наср" билан шартномаси июль ойида ўз ниҳоясига етади.
"Менинг келажагим? Тўғрисини айтсам, ҳеч нарса ўзгармайди. "Ан-Наср"да қоламанми? Ҳа," - дея португалияликнинг сўзларини келтиради журналист Фабрицио Романо.
40 ёшли Роналду кеча Испанияга қарши финал ўйинида гол уриб, Португалия терма жамоасига Миллатлар лигасида ғолиб чиқишга ёрдам берди. Ҳужумчи жароҳати туфайли ўйинни охиригача давом эттира олмади.
