"RB Leypsig" hujumchisi Benjamin Sheshkoga turli klublar tomonidan qiziqishda davom etmoqda.

Londonning “Arsenal” klubi sloveniyalik futbolchiga asosiy da’vogar sifatida ko‘rilmoqda, shuningdek, “Chelsi”ning ham qiziqishi haqida ma’lumotlar bor. Jurnalist Fabrisio Romanoning yozishicha, Saudiya Arabistoni klublari yaqinda 22 yoshli futbolchiga murojaat qilishgan.

Ayni damda forvard faoliyatini Yevropada davom ettirish variantlarini afzal ko‘rmoqda, biroq vaziyat noaniqligicha qolmoqda.

Benjamin o‘tgan mavsumda "RB Leypsig" safida 45 ta o‘yinda 21 ta gol urdi va jamoadoshlariga 6 ta golli uzatma berdi.