"Milan" vinger Rafael Leauni sotishdan bosh tortmoqda. Ko‘plab mish-mishlarga ko‘ra, portugaliyalik futbolchi klubini o‘zgartirmoqchi, so‘nggi paytlarda unga asosiy da’vogar sifatida "Bavariya" tilga olinmoqda. Jurnalist Matteo Morettoning ma’lum qilishicha, yaqinda "rossonerilar" bosslari 26 yoshli futbolchi sotilmayotganini uning atrofidagilarga to‘g‘ridan-to‘g‘ri ma’lum qilishgan. Hozircha "Bavariya"dan aniq taklif bo‘lgani yo‘q.
Rafael Leauning Transfermarkt saytidagi taxminiy narxi - 75 mln yevro. Futbolchining "Milan" bilan shartnomasi 2028 yilning yarmigacha mo‘ljallangan.
O‘tgan mavsumda Leau milanliklar safida 50 ta o‘yinda 12 ta gol va 13 ta golli uzatmani o‘z hisobiga yozdirib qo‘ydi.
