"Милан" вингер Рафаэль Леауни сотишдан бош тортмоқда. Кўплаб миш-мишларга кўра, португалиялик футболчи клубини ўзгартирмоқчи, сўнгги пайтларда унга асосий даъвогар сифатида "Бавария" тилга олинмоқда. Журналист Маттео Мореттонинг маълум қилишича, яқинда "россонерилар" босслари 26 ёшли футболчи сотилмаётганини унинг атрофидагиларга тўғридан-тўғри маълум қилишган. Ҳозирча "Бавария"дан аниқ таклиф бўлгани йўқ.
Рафаэль Леаунинг Transfermarkt сайтидаги тахминий нархи - 75 млн евро. Футболчининг "Милан" билан шартномаси 2028 йилнинг ярмигача мўлжалланган.
Ўтган мавсумда Леау миланликлар сафида 50 та ўйинда 12 та гол ва 13 та голли узатмани ўз ҳисобига ёздириб қўйди.
