Yaqinda Italiya terma jamoasi bosh murabbiyligidan ketgan mutaxassis Luchano Spalletti tez orada yana ishga qaytishi mumkin.

Insayder Nikolo Skiraning ma’lum qilishicha, 66 yoshli italiyalik murabbiyning xizmatlariga ikki xorijiy klub qiziqish bildirmoqda. Aniq nomlar hozircha oshkor etilmayapti.

Eslatib o‘tamiz, Luchano Spalletti Moldova terma jamoasi ustidan 2:0 hisobida g‘alaba qozongan o‘yindan so‘ng darhol "skuadra adzurra" boshqaruvidan ketgan edi. Avvalgi uchrashuvda Italiya Norvegiyaga yirik hisobda (0:3) mag‘lub bo‘lgan, shundan so‘ng murabbiy tez orada iste’foga chiqishini e’lon qilgandi.

Italiya terma jamoasida Spalletti ikki yildan kamroq vaqt ishlagan.