Яқинда Италия терма жамоаси бош мураббийлигидан кетган мутахассис Лучано Спаллетти тез орада яна ишга қайтиши мумкин.
Инсайдер Николо Скиранинг маълум қилишича, 66 ёшли италиялик мураббийнинг хизматларига икки хорижий клуб қизиқиш билдирмоқда. Аниқ номлар ҳозирча ошкор этилмаяпти.
Эслатиб ўтамиз, Лучано Спаллетти Молдова терма жамоаси устидан 2:0 ҳисобида ғалаба қозонган ўйиндан сўнг дарҳол "скуадра адзурра" бошқарувидан кетган эди. Аввалги учрашувда Италия Норвегияга йирик ҳисобда (0:3) мағлуб бўлган, шундан сўнг мураббий тез орада истеъфога чиқишини эълон қилганди.
Италия терма жамоасида Спаллетти икки йилдан камроқ вақт ишлаган.
