Londonning "Chelsi" klubi yozda o‘z darvozaboni Jorje Petrovichni "Galatasaroy"ga sotib yuborishi mumkin. Eslatib o‘tamiz, serbiyalik posbon so‘nggi mavsumni Fransiyaning "Strasburg" klubida ijarada o‘tkazgan edi.

Jurnalist Saymon Fillips bergan ma’lumotga ko‘ra, "Galatasaroy" Petrovichni Fernando Muslera o‘rniga taklif qilmoqchi. Turkiyaliklar Jorjeni keyinchalik sotib olish huquqi bilan ijaraga olmoqchi.

Avvalroq, Petrovich "Chelsi"dan klublar o‘rtasidagi jahon chempionati qaydnomasiga o‘zini kiritmaslikni so‘ragan edi. "Ko‘klar" rahbariyati serbiyaliklarga asosiy tarkibda barqaror joy kafolatlay olmaydi, shu sababli darvozabon mavsumlar oralig‘ida jamoani tark etishga qaror qildi.