"Brayton" hujumchisi Joao Pedro har qanday holatda ham jamoasini tark etishga tayyor. Transfer News Live xabariga ko‘ra, braziliyalik futbolchi jamoada qolmoqchi emas.
Manbaga ko‘ra, futbolchi uchun asosiy da’vogar kelasi mavsum Chempionlar ligasida ishtirok etadigan "Nyukasl" hisoblanadi. Qayd etilishicha, Pedro "Brayton"ni tezroq tark etish uchun hujumning o‘ng qanotida o‘ziga noqulay pozisiyada o‘ynashga tayyor. Braziliyalik mutaxassisning vakillari bu haqda allaqachon "Nyukasl" rahbariyatiga ma’lum qilgan.
Eslatib o‘tamiz, Pedro uchun kurashda avvalroq Angliyaning boshqa bir top-klubi - Londonning "Chelsi" klubi ham ishtirok etgan va so‘nggi haftalarda braziliyalik futbolchiga bo‘lgan qiziqishini so‘ndirgandi.
