"Брайтон" ҳужумчиси Жоао Педро ҳар қандай ҳолатда ҳам жамоасини тарк этишга тайёр. Transfer News Live хабарига кўра, бразилиялик футболчи жамоада қолмоқчи эмас.

Манбага кўра, футболчи учун асосий даъвогар келаси мавсум Чемпионлар лигасида иштирок этадиган "Ньюкасл" ҳисобланади. Қайд этилишича, Педро "Брайтон"ни тезроқ тарк этиш учун ҳужумнинг ўнг қанотида ўзига ноқулай позицияда ўйнашга тайёр. Бразилиялик мутахассиснинг вакиллари бу ҳақда аллақачон "Ньюкасл" раҳбариятига маълум қилган.

Эслатиб ўтамиз, Педро учун курашда аввалроқ Англиянинг бошқа бир топ-клуби - Лондоннинг "Челси" клуби ҳам иштирок этган ва сўнгги ҳафталарда бразилиялик футболчига бўлган қизиқишини сўндирганди.