"Real" yarim himoyachisi Jud Bellingem o‘z kumiri Zinedin Zidan bilan birga o‘ynashni istardi, lekin butun mavsum davomida emas. Bu haqda ingliz futbolchining o‘zi aytib o‘tdi.
"Sevimli futbolchim bilan o‘ynash? Zidan bilan - albatta. Men shunchaki unga to‘pni uzatib, uni kuzatib turardim. Bu YouTube'dagi videoni yaqindan ko‘rishga o‘xshardi. Ammo men u bilan butun mavsum o‘ynashni istamasdim, chunki bir daqiqa ham o‘yin amaliyotiga ega bo‘lmasdim," - dedi Bellingem FIFAga.
Yaqin kunlarda "Real" klublar jahon chempionatida ishtirok etishni boshlaydi. Guruh bosqichining birinchi turida Xabi Alonso jamoasi "Al-Hilol"ga qarshi o‘ynaydi. O‘yin 18 iyun kuni bo‘lib o‘tadi.
