Madridning "Real" klubi yangi a’zosi Din Xeysen klubda nimalarga erishmoqchiligi haqida gapirib berdi.
20 yoshli futbolchi "qaymoqranglilar" safiga iyun oyi boshida Angliyaning "Bornmut" klubidan kelib qo‘shilgandi.
"Men barchasini yutishni istayman - "Real"da g‘alaba qozonishga majbursan. Chempionlar ligasi, La Liga, klublar o‘rtasidagi jahon chempionati va Ispaniya kubogini yutishni orzu qilaman. Mening ambisiyalarim ko‘p," - deya ispaniyalikning so‘zlarini keltiradi Madrid Universal.
"Real" Din Xyoysenning transferi uchun qariyb 60 mln yevro to‘ladi. Yosh markaziy himoyachi La Liga grandi bilan 2030 yilning yarmigacha mo‘ljallangan mehnat shartnomasini imzoladi.
