Angliyaning "Brayton" klubi yosh forvard Xaralampos Kostulas transferi bo‘yicha kelishuvga erishdi.
"Olimpiakos"ning 18 yoshli tarbiyalanuvchisi klub bilan 5 yillik shartnoma imzoladi va 1 iyuldan boshlab - barcha zaruriy rasmiyatchiliklar, jumladan, xalqaro ro‘yxatdan o‘tish amalga oshirilgach, rasman "chaykalar" futbolchisiga aylanadi.
Kostulas Afina grandi tarkibida ajoyib mavsum o‘tkazdi: u Gresiya kubogi chempioni bo‘ldi, shuningdek, Yevropa maydonlarida qimmatli tajriba orttirdi. Umuman olganda, hujumchi ichki va xalqaro maydonda 35 ta o‘yinda 7 ta gol va 2 ta golli uzatmani amalga oshirdi.
OAV ma’lumotlariga ko‘ra, transfer qiymati yana ikki million yevro bonuslar bilan 35 million yevroni tashkil qiladi.
