"Byornli" darvozaboni Jeyms Trafford "Nyukasl"ning qiziqishlar doirasida bo‘lib turibdi, ammo "qarg‘alar" hozircha u uchun so‘ralgan summani to‘lashga tayyor emas. Bu haqda The Athletic xabar bermoqda.
Manbaga ko‘ra, "Byornli" 22 yoshli angliyalik futbolchini sotish orqali taxminan 35-47 mln yevro ishlab olmoqchi. Qayd etilishicha, bunday yuqori talablar fonida "Nyukasl" "Lill"dan Lyuk Shevalye variantiga o‘tishi mumkin.
O‘tgan mavsumda Chempionshipda Trafford 45ta o‘yinda maydonga tushib, 29 marta quruq o‘yin o‘tkazgan.
23 yoshli Shevalyening hisobida barcha turnirlar bilan qo‘shib hisoblaganda 48 ta o‘yin, 53 ta o‘tkazib yuborilgan gol va 13 ta "quruq" uchrashuv bor.
