"Manchester Siti" va Angliya terma jamoasining sobiq futbolchisi Trevor Sinkler bankrot deb topilgan sud majlisiga kelmadi. Bu haqda The Mirror xabar bermoqda.
Faoliyatini yakunlagach, turli OAVlarda ishlagan Sinkler 42 ming yevroga yaqin qarzdor bo‘lib qolgan. Avvalroq uning advokati mijozning qarzi Sinklerning o‘zini o‘zi band qilgan deb noto‘g‘ri hisoblanishi natijasida yuzaga kelganini ta’kidlagan edi.
Sobiq futbolchiga muammoni hal qilish uchun bir necha bor imkoniyat berilgan, ammo yakunda sudya ayblanuvchi qarzlarini to‘lashga qodir emas degan xulosaga kelgan.
Hozirda Sinkler oilasi bilan Yaqin Sharq mamlakatlaridan birida istiqomat qilmoqda.
