"Манчестер Сити" ва Англия терма жамоасининг собиқ футболчиси Тревор Синклер банкрот деб топилган суд мажлисига келмади. Бу ҳақда The Mirror хабар бермоқда.
Фаолиятини якунлагач, турли ОАВларда ишлаган Синклер 42 минг еврога яқин қарздор бўлиб қолган. Аввалроқ унинг адвокати мижознинг қарзи Синклернинг ўзини ўзи банд қилган деб нотўғри ҳисобланиши натижасида юзага келганини таъкидлаган эди.
Собиқ футболчига муаммони ҳал қилиш учун бир неча бор имконият берилган, аммо якунда судья айбланувчи қарзларини тўлашга қодир эмас деган хулосага келган.
Ҳозирда Синклер оиласи билан Яқин Шарқ мамлакатларидан бирида истиқомат қилмоқда.
