"Bayer" Florian Virs o‘rniga Jastin Klyuyvert nomzodini ko‘rib chiqmoqda.
Talksport nashri tarqatgan xabarga ko‘ra nemis klubi "Bornmut" bilan bog‘lanib, yarim himoyachining transferi haqida ma’lumot so‘ragan.
"Bayer" "Liverpul"ga o‘tishga yaqin turgan Florian Virts o‘rniga nomzodlar ro‘yxatini tuzmoqda. Erik ten Xag Klyuyvertni ideal nomzod deb hisoblamoqda.
"Bornmut" niderlandiyalik futbolchi sotilmasligini bildirdi. Biroq, klub xo‘jayini Bill Fouli munosib taklif tushsa, futbolchilarning ketishiga to‘sqinlik qilmasligini aytgan edi.
Klub futbolchi uchun rasmiy narx belgilamagan, ammo agar uni sotishga qaror qilsa, katta ehtimol bilan bu summa 2023 yil iyun oyida "Roma"ga to‘langan 9,6 million funtdan ikki baravar ko‘p bo‘ladi.
Qayd etilishicha, Klyuyvertning 2028 yilgacha mo‘ljallangan shartnomasida tovon puli belgilanmagan. O‘tgan mavsumda 26 yoshli futbolchi Premyer-ligada 12ta gol urdi va 6ta golli uzatmani amalga oshirdi.
