"Inter Mayami" bosh murabbiyi Xavyer Maskerano klublar o‘rtasidagi jahon chempionati oldidan jamoaning muammolari haqida gapirdi.
Floridaliklar musobaqani Misrning "Al-Ahli" klubiga qarshi o‘yin bilan boshlaydi. Uchrashuv 15 iyun kuni bo‘lib o‘tadi, uning boshlanishi Toshkent vaqti bilan 05:00 ga belgilangan.
"Men kuchayishimizni xohlardim. Masalan, besh-oltita yangi futbolchi olgan "Al-Ahli" bilan o‘ynashimiz kerak. Biz buni qila olmadik. Ko‘rinib turibdiki, bizga yangi shartnomalar kerak edi, lekin buning iloji bo‘lmadi. Endi e’tiborimni o‘yinga qaratishim kerak," - deya Maskeranoning so‘zlarini keltiradi The Touchline.
"Inter Mayami" bilan bir guruhda "Portu" va "Palmeyras" ham ishtirok etadi.













