"Интер Майами" бош мураббийи Хавьер Маскерано клублар ўртасидаги жаҳон чемпионати олдидан жамоанинг муаммолари ҳақида гапирди.
Флоридаликлар мусобақани Мисрнинг "Ал-Аҳли" клубига қарши ўйин билан бошлайди. Учрашув 15 июнь куни бўлиб ўтади, унинг бошланиши Тошкент вақти билан 05:00 га белгиланган.
"Мен кучайишимизни хоҳлардим. Масалан, беш-олтита янги футболчи олган "Ал-Аҳли" билан ўйнашимиз керак. Биз буни қила олмадик. Кўриниб турибдики, бизга янги шартномалар керак эди, лекин бунинг иложи бўлмади. Энди эътиборимни ўйинга қаратишим керак," - дея Маскеранонинг сўзларини келтиради The Touchline.
"Интер Майами" билан бир гуруҳда "Порту" ва "Палмейрас" ҳам иштирок этади.
