"Bavariya" yarim himoyachisi Joau Palinya yozgi transfer oynasida klubni tark etishi mumkin.
Myunxen grandining maydon markazidagi raqobatni hisobga olgan holda, portugaliyalik boshlang‘ich tarkibga umid qilishi qiyin bo‘ladi. Klub sport direktori Kristof Froynd 29 yoshli futbolchi bilan xayrlashish imkoniyatini ko‘rib chiqishini inkor etmadi.
"Biz yaqin kunlar va haftalarda Joau bilan bog‘liq vaziyatni albatta muhokama qilamiz. O‘tgan mavsum uning uchun oson kechmadi. Unda jarohatlar bilan bog‘liq muammolar bor edi, shuning uchun u tasavvur qilganidek tez-tez o‘ynamadi, lekin u yaxshi yigit, jangchi. Uning shu yerda ekanligidan xursandmiz. Tez orada u bilan barchasini xotirjam muhokama qilamiz," - deya Froydning so‘zlarini keltiradi Bayern & Germany.













