"Бавария" ярим ҳимоячиси Жоау Палинья ёзги трансфер ойнасида клубни тарк этиши мумкин.
Мюнхен грандининг майдон марказидаги рақобатни ҳисобга олган ҳолда, португалиялик бошланғич таркибга умид қилиши қийин бўлади. Клуб спорт директори Кристоф Фройнд 29 ёшли футболчи билан хайрлашиш имкониятини кўриб чиқишини инкор этмади.
"Биз яқин кунлар ва ҳафталарда Жоау билан боғлиқ вазиятни албатта муҳокама қиламиз. Ўтган мавсум унинг учун осон кечмади. Унда жароҳатлар билан боғлиқ муаммолар бор эди, шунинг учун у тасаввур қилганидек тез-тез ўйнамади, лекин у яхши йигит, жангчи. Унинг шу ерда эканлигидан хурсандмиз. Тез орада у билан барчасини хотиржам муҳокама қиламиз," - дея Фройднинг сўзларини келтиради Bayern & Germany.
